Ministru Justisa, Sérgio de Jesus Fernandes da Costa Hornai, iha loron 14 no 15 fulan-novembru tinan 2025, partisipa iha Sorumutu Ministrus Justisa ASEAN (ALAWMM) nian ba da-13, ne’ebé hala’o iha Manila, Filipinas. Serimónia abertura ne’e prezide husi Prezidente Repúblika Filipinas, Ferdinand “Bongbong” Marcos Jr. no marka prezensa husi Sekretáriu-Jerál ASEAN, Kao Kim Hourn.
Ida-ne’e maka Timor-Leste nia partisipasaun dahuluk iha ALAWMM hanesan Estadu-Membru plenu direitu, hafoin admisaun ofisiál país nian ba ASEAN, ne’ebé formaliza iha Simeira da-47 ne’ebé realiza iha fulan-outubru tinan 2025, iha Kuala Lumpur.
Iha enko
ntru ne’e, Ministrus Justisa husi Estadus-Membrus 11 asina Tratadu Estradisaun ASEAN (ATE), ne’ebé estabelese kuadru jurídiku unifikadu ida ba prosesu estradisaun iha rejiaun ne’e, hodi reforsa kooperasaun iha prevensaun no kombate ba kriminalidade transfronteirisa.
Ministru Sérgio Hornai integra mós iha sorumutu dahuluk ASEAN + Japaun kona-ba setór justisa nian, iha loron 15 fulan-novembru tinan 2025, ne’ebé ho objetivu atu akompaña Planu Traballu ASEAN-Japaun sobre Direitu no Justisa no mós reforsa kooperasaun téknika no institusionál.
Durante sorumutu ne’e, Ministru realiza mós enkontru bilaterál ida ho Ministru Justisa no Segundu Ministru Interior Singapura nian, Edwin Tong, ne’ebé foka ba aprofundamentu kooperasaun jurídika no interkámbiu esperiénsias entre país rua ne’e.
ALAWMM, kria iha tinan 1986, hanesan forum prinsipál ba kooperasaun jurídika ASEAN, ne’ebé halibur kada tinan rua hodi analiza progresu, koordena inisiativa komún no reforsa papél instituisaun jurídika sira iha rejiaun ne’e. https://timor-leste.gov.tl/?p=46096&lang=tp&n=1
