RKL-LIAN IDATE, 16 Jullu 2025, Reprezenta husi grupu 14 husi Suku 6 iha Postu Administrativu Laclubar partisípa iha “Formasaun Tékniku Kultivasaun Ai-Oan Rabutan” Kuarta Ohin iha Salaun Administrasaun Postu Administrativu Laclubar.
Diretur Servisu Agrikultura Munisípal Manatuto, Sr. José Soares, hateten, informasaun kona-ba atividade ohin loron nian treina atu preparasaun adubu ba pilotu ida ne’ebé ita planeia hela iha fulan rua ka tolu depois udan monu rai ita implementa hela atividade ida atu kuda ai-fuan rambutan iha Laclubar. Hateten Diretor
Nia hatutan tan katak, hanesan Diretur Servisu Munisípal Agrikultura Munisípiu Manatuto sente hanesan sentidu pertense ba ha’u nia agrikultor hotu-hotu iha Munisípiu Manatuto.
Tuir ha’u nia proposta ne’e ha’u rekomenda hela Postu 2 entaun Postu 2 ne’e ami deside Postu Laclubar mak hetan benefísiu ba atividade kuda ai-oan rambutan hamutuk 4000 no sei kida ba hektares 14 ne’ebé maka ita identifika tiha ona no tuir planu sei lori ai-oan rambutan 4000 mai iha Postu Laclubar iha Fulan Dezembru nia laran no la’os de’it rambutan maibe tenta para atu lori mos ai-fuan sira seluk hanesan Sabraka no Salak tamba rai ne’e poténsia ba Iha ai-fuan hotu-hotu. Tenik Diretur Servisu Munipal Agrikultura Munisípiu Manatuto.
Iha loron ne’ebé hanesan, Koordenadór Exténsionista Postu Administrativu Laclubar, Sr. João da Cruz, hatete, treinamentu ida ne’e sensitivu tebes atu lori ai-horis ida naran rambutan lori mai kuda iha Postu Administrativu Laclubar maibe molok atu hala’o atividade ne’e tenke hahu uluk ho treinamentu ba to’os na’in sira atu nune’e sira bele hatene oinsa atu kuda ai-fuan refere.
Tuir Lantas Industry Nasional katak sei implementa atividade ida ne’e ho apoiu adubu organíku sei halo ho material lokàl sira iha ne’e no adubu ben sira sei halo husi masi-midar, bani ben no buat sira seluk hodi mistura durante loron 14 depois bele utiliza ba ai-horis sira ne’ebé ita kuba iha to’os. Explika Koordenador Exténsionista Postu Administrativu Laclubar, Sr. João da Cruz.
Nia hatutan, planu tuir mai sei lori mós ai-fuan sira seluk atu nune’e fahe nafatin ba to’os na’in sira seluk ne’ebé maka seidauk hetan ai-oan iha Postu Administrativu Laclubar. Tenik Koordenador Exténsionista Postu Administrativu Laclubar, Sr. João da Cruz.
Sorin seluk, Vise Koordenador Grupu Mafirma, Sr. Jacob Soares. agradese ba oportunidade ida ohin tamba ita nia Munisípiu Manatuto liu-liu ita Postu Administrativu Laclubar foin maka hetan ai-oan rambutan ne’e ba dala-uluk iha Postu Administrativu Laclubar. Informa Vise Koordenador Grupu Mafirma, Sr. Jacob Soares.
Nia hatutan, treinamentu ohin loron nian hosi ekipa nasionàl mai fó treinamentu oinsa atu kuda ai-oan rambutan no oinsa prepara adubu sira atu nune’e bele tau ba ai-oan hodi nune’e labele prejudika ba ai-oan refere.
Reportagen ekipa Rakol-Lian Idate
