EPIZODIU 31/07/2025, Rádio Komunidade Laclubar Lian Idate, FM. 99.1 Mhz, Konvida Xefe Suku Manelima, Sr. António Perreira, mai iha Estudio Rakol-Lian Idate hodi “Dada Lia” ho Assuntu Aprezenta Atividade Suku nian durante periodu 2025 nian. Programa Dada Lia ne’e hala’o iha Estudio Rakol-Lian Idate.
Liu hosi dada lia ne’e, Xefe Suku aprezenta planu no atividade sira ne’ebé oras ne’e la’o iha Suku laran no problema balun ne’ebé maka suku ne’e hasoru.
Xefe Suku Manelima, Sr. António Perreira, explika katak, Suku Manelima iha oportunidade lubuk ida liu-liu Programa Nasionál Dezenvolvimentu Suku (PNDS) nian ne’ebé maka pendente durante tinan 2021 nian ami hamutuk ho konsellu suku konsege rezolve ona lubuk ida no balu iha hela prossesu nia laran.
Lider Maximu ne’e hatutan, ami mós hetan apoiu hosi ita nia parseiru balun kona-ba halo sintina públiku iha suku manelima inklui apoiu mós fundus husi Gabinete Presidente Repúblika nian no oras ne’e dadaukl tama ona ba % 95 no hein finaliza iha tempu badak.
Nune’e hato’o mós ba iha parte relevante liu-liu ba Programa Nasionál Dezenvolvimentu Suku ho hanoin katak, suku hotu atu dezenvolve osan ne’e aloka direita mai iha suku tamba barak liu kompeténsia maximu iha suku, maibe ami so hetan maka relatóriu de’it osa ne’e ami la ezekuta direita ho nune’e hodi difikulta hodi aselera projetu hirak ne’e la’o tarde tebes.
Aleinde ne’e, Xefe Suku agradese mós Nonu Governu liu-liu ba programa PDIM nian tamba bele asseita ho pedidu husi ba Sala Maternidade no ohin loron sei iha hela prossesu konstrusaun nia laran, fiar katak sei finaliza iha fulan 2 ka 3 tuir mai.
Nune’e Lider Maximu Suku ne’e hato’o mós problema hirak ne’ebé suku ne’e hasoru maka laiha sede aldeia no agora dadauk xefe aldeia sira hala’o hela serbisu iha sira nia uma rasik tamba ne’e atu foti prioridade balu husi aldeia mai iha difisil oitoan maibe iha maneira seluk maka foti sira nia planu prioridade hodi mai iha Suku hodi diskute iha sede Suku no aprezenta ba iha ASPA hodi hein nia prossesu.
𝐑𝐞𝐩𝐨𝐫𝐭𝐚𝐠𝐞𝐧 𝐄𝐤𝐢𝐩𝐚 𝐑𝐚𝐤𝐨𝐥-𝐋𝐢𝐚𝐧 𝐈𝐝𝐚𝐭𝐞 𝟐𝟎𝟐𝟓
