Rádiu Komunidade Laclubar lian idate nu’udár estasaun rádiu ne’ebe mak harii iha Postu Administrativu Laclubar Munisipiu Manatuto, nu’udar plataforma hodi promove lian komunitáriu liu-liu transmite kona-ba dezenvolvimentu lokál iha Postu Laclubar. Radiu Comunidade Laclubar lokaliza iha antigu Postu Administrativu Laclubar.
Radio Comunidade Laclubar instala iha 20 de Marco 2025 no inagura iha 14 de Junu 2025 husi Secretario Estadu ba Komunikasaun Sosial, Sr. Expedito Dias Ximenes iha IX Governu Constitucional. Estasaun rádiu ne’e hetan atribuisaun lisensa frekuensia 99.1 Mhz husi Autoridade Nacional de Comunicações (ANC).
Radiu komunidade Laclubar nuudar estasaun rádiu ne’ebe hamrik, servi no promove Laclubar liu husi Informasaun ba populasaun hamutuk rihun 16.758. Hosi suku 6 (neen) aldeia 29 (rua-nulu resin sia), kompostu husi Suku sira mak hanesan: Orlala, Batara, Fatumakerek, Manelima, sana nain, no Funar.
Radiu Komunidade Laclubar Lian Idate nudar Radiu ne’ebe bele fasilita liña ministériu sira ne’ebe mak atu divulga informasaun hotu ne’ebe mak ligadu ba serbisu ministériu sira nian hodi transmiti liu husi transmisaun direta iha studio Rádiu Laclubar no gravasaun iha Radiu Laclubar. Rádiu Laclubar nu’udar Radiu Alternativu mos ba Governu hodi transmite produsaun sira husi Governu ne’ebe diresaun DNDM distribui ba rádiu komunidade sira hodi transmiti mos tuir frekuensia rádiu komunidade Laclubar.
Ejistensia Radiu Laclubar nu’udar Radiu ida ne’ebe hari tamba serbisu hamutuk entre komunidade Laclubar ho Secretaria Estadu ba Komunikasaun Sosial liu husi Diresaun Nasional ba Dezenvolvimentu Mídia liu husi programa diversifikasaun meius komunikasaun Sosial no dezenvolvimentu Meius Komunikasaun Sosial.
Vizaun
Komunidade Laclubar asesivel ba Informasaun no sai fonte Kredivel ba Komunidade.
Misaun
- Nu’udar plataforma hodi promove lian komunitáriu liu-liu transmite kona-ba dezenvolvimentu lokál iha Postu Laclubar.
- Fornese espasu ba voluntariu husi radiu Laclubar transmite informasaun liu husi servisu radiu nian;
- Fo opurtunidade ba estajiariu husi universitariu sira husi area komunikasaun sosial hodi aprende no pratika oinsa hala’o serbisu jornalismu;
- Transmiti informasaun governu nian liu husi maneira direta ka gravadu;
- Produs programa edukativu no dokumenta atividade komunidade hodi fó valor ba moris komunidade nian;
- Halo koperasaun ho ajensia nasionál no internasional liu husi produsaun pragrama hodi Transmite;
- Serbisu hamutuk ho liña Ministériu sira, hodi fornese espasu transmiti asaun governativa komunidade sira.
- Nu’udar estasaun rádiu ne’ebe mak hamrik atu promove kultura, potensialidade no progresu dezenvolvimentu ne’ebe sosiedade iha no atinji.