05 de Dezembru 2025. Oficial Komunikasaun husi UNICEF ho Secretaria Estadu ba Komunikasaun Sosial, SEKOMS liu husi Diresaun Nasional Dezenvolvimentu Media, ho Responsavel Radiu Komunidade halo enkontru avaliasaun ba implementasaun programa koperasaun labarik nia lian LNL iha radiu komunidade 6 ne’ebe implementa iha tinan 2025.
Programa Koperasaun ne’ebe implementa iha tinan 2025 ho objetivu atu promove partisipasaun labarik, etika komunikasaun no proteje direitu labarik iha era digital, iha timor leste.
Koordenador komunikasaun UNICEF, Antonio Gomes hateten programa labarik nia lian ne’ebé United Nation Children’s Fund (UNICEF) halo koopersaun Sekretariu Estadu Komunikasaun Sosial (SEKOMS), liu liu ba radiu komunidade nen mak halo programa labarik nia lian hodi hatutan no promove direitu ba labarik sira nian, espesialmente direitu fundamental, direitu ba partisipasaun nian, iha konvensaun direitu labarik nian iha 4 mak hanesan sobrevivensia, partisipasaun, dezenvolvimentu no protesaun.
“Labarik nia lian, United Nation Children’s Fund (UNICEF) halo koopersaun ho Sekretariu Estadu Komunikasaun Sosial (SEKOMS), liku hosi radio komunidade sira, espesialmente radio ko,unidade nen, ne’ebé mak prezente iha ne’e, oinsa para atu haree atividade sira ne’ebé sira hal’ao durante tinan 2025, atividade siran ne’e halo di’ak duni ka lae, karik iha dezafius ruma ne’ebé radiu sira hasoru, no envolvimentu labarik nian iha duni ka lae, to’o iha ne’ebé, programa ne’e ba labarik sira iha benefisiu ka lae, envolvimentu inan aman no komunidade sira iha programa ne’e ka lae”, katak nia
Fatin hanesan, Diretur Diresaun Nasionál Dezenvolvimentu Media DNDM-SEKOMS, Manuel de Fatima reprezentante Sekretariu Estadu Komunikasaun Sosial (SEKOMS), hatoo apresiasaun ba serbisu hamutuk ho SEKOMS ho Radiu Komunidade hodi promove programa labarik nia lian LNL iha Radiu Komunidade.
“Programa sira ne’e liu hosi Diresaun Nasionál Dezenvolvimentu Media (DNDM), servisu hamutuk ho UNICEF duratre tinan hirak nia laran, hosi tinan 2005 to’o ohin loron, avaliasaun ne’e importante ba jestor radio komunidade sira, buka hadia iha futuru”, tenik nia
Radiu komunidade ne’ebe mak implementa programa ne’e mak hanesan, Radiu komunidade Maliana, Radiu Komunidade Vox Populy Lospalos, Radiu Raihusar Aileu, Radiu Atoni Lifau Oecuse, Radiu Povu Viqueque no Radiu Loriku lian.
Durante enkontru avaliasaun ba programa Labarik nia lian, halo mos aprezentasaun no diskusaun kona-ba implementasaun sira iha rádiu komunidade.
Hakerek Testu, Luis
