Manatuto, 28/10/2025 – Ekipa Enjeñeru ADN destakadu iha Munisípiu Manatuto halo monitorizasaun ba projetu “Road Upgra
ding Project Laclubar Junction to Laclubar Town (Package 3A, 3B, 3C & 3D), Sta. 0+000–10+360” iha Postu Administrativu Laclubar, Munisípiu Manatuto.
Projetu ida-ne’e implementa husi R.D. Interior Junior Construction (Philippines) sosiu ho Sino Road and Bridge Group Co. Ltd (China), ho valor kontratu total US$ 5.190.482,29.
Objetivu monitorizasaun ne’e atu assegura katak servisu konstrusaun estrada hala’o tuir padraun tékniku, kualidade, no prazu implementasaun ne’ebé estipula iha kontratu, hodi promove mobilidade no dezenvolvimentu infraestrutural iha área Laclubar.
Konstrusaun estrada iha área rurál sira importante tanba bele hadi’a asesu ba servisu públiku (edukasaun no saúde), fasilita kreximentu ekonómiku liu husi distribuisaun produtu agríkola no komérsiu, no aselera konetividade inter-rejionál. Estrada ne’ebé di’ak mak fundasaun ba komunidade nia moris di’ak no dezenvolvimentu rejionál.
Governu kontinua tau prioridade hodi rehabilita estrada,no ADN kontinua halo nia papél hodi monitoriza ba prosesu no progresu konstrusaun no rehabilitasaun ba estrada sira hodi garante nafatin kualidade husi obra sira ne’ebé maka daudaun ne’e implementa hela.
(MÉDIA_ADN)
