𝗠𝗦 𝗛𝗘𝗧𝗔𝗡 𝗩𝗜𝗭𝗜𝗧𝗔 𝗞𝗢𝗥𝗧𝗘𝗭𝗜𝗔 𝗛𝗢𝗦𝗜 𝗚𝗥𝗔𝗡𝗗 𝗛𝗢𝗦𝗣𝗜𝗧𝗔𝗟𝗟𝗘𝗥 𝗢𝗥𝗗𝗘𝗥 𝗢𝗙 𝗠𝗔𝗟𝗧𝗔

10 Novembru 2025: Ministra Saúde (MS) dr. Élia A. A dos Reis Amaral SH, hetan vizita kortezia hosi Grand Hospitaller Order of Malta Timor-Leste (TL), Dr. Joseph Blotz ho nia ekipa, Iha Salaun Enkontru Gabinete Ministra, Palácio das Cinzas, Caicoli, Díli.

“Agradese wain ba ekipa Order de Malta tanba sira halo ona nia papél iha TL hanesan fundasaun husi tinan 8 ona sira servisu iha ne’e, ne’ebé hau hanoin sira halo ona prestasaun lubuk ida ba servisu saúde.

Ekipa hirak ne’e mai tanba sira hakarak reforsa tan saida maka (MdS) iha ona liuliu ba iha Maternal & Child Health Care nian, no mós sira hakarak ajuda mós ita iha kapasitasaun ba iha Rekursu Umanu no mós ba klínika movél nian.”

“Prestasaun servisu ne’ebé maka sira halo ona iha TL maka konsultasaun ne’ebé sira halo ba iha populasaun tomak hamutuk 73.991 no Autris ne’ebé maka sira halo kuaze 12 mil itál ba iha sira-nia atendimentu.

Espera katak koperasaun ne’e ita sei kontinua no aumenta tán pedidu ne’ebé maka sira hakarak halo ba MdS no kordenasaun ho Alola Fundation,” tenik MS.