RAKOL-Lian Idate, 24 Jullu 2025, Eskola Ensinu Basiku Sentral Laclubar enfrenta problema hanesan bee mos, moru protesaun no meza kadeira hodi difikulta estudante sira hala’o prosesu aprendisajen durante oras lima nia laran hahu husi tuku 08 to’o 12:00 tuir oras eskola nian.
Diretora EBC Laclubar, Laura Silvina Soares, hateten, prosessu aprendizajen kontinua la’o normal no kontinua kontrola manorin na’in sira ho atividade extra-kurikular sira no atividade sira hotu ne’ebé hala’o iha eskola ida ne’e nune’e mós sussesu ne’ebé ami halo maka prosessu aprendisajen la’o ho di’ak no estudante sira konsege tuir ezame nasionál iha tinan kotuk no fulan ida ne’e tama ona ba ezame daruak ninian.
Diretora EBC ne’e explika, kondisaun fiziku eskola nian durante ne’e iha balun aat oitoan liu-liu ba meza,kadeira no odamatan sira, maibe konsege balun ami hadi’a ona no balu seidauk hadi’a la’os rehabilitasaun ne’ebé boot maibe hadi’a kondisaun salaun enkontru eskola nian no ami nia progressu EBC Laclubar hala’o hela.
Diretora EBC hateten, sente prioridade liu maka meza ho kadeira tamba tinan ikus 2025 no sei tama ba tinan dahuluk 2026 estudante barak mak sei mai registu ho ida ne’e maka sala aprendisajen sei to’o maibe ba meza ho kadeira sei la to’o.
Nia hatutan, kona-ba meza ho kadeira ida ne’ebé aat ne’e, ami uza osan konsensoens hodi hola dadauk triplex sira ho arame atu nune’e hodi kesi fila fali meza ho kadeira, iha tian ida ne’e ami hadi’a fila-fali meza 60 no kadeira 50 ba estudante 297 maka uza hela.
Kona ba bee mós iha eskola ne’e iha duni maibe ladun la’o no ami hakarak kanalizasaun be’e mós ne’e tenke iha duni atu nune’e labele prejudika ba merenda eskolar no sanitária eskola nian.
Durante ne’e waihira iha vizita ruma husi parte Ministériu Edukasaun nian sempre hato’o no ha’u koko ona halo proposta ba iha Ministériu balu atu nune’e bele aumenta tan komputador ho printer tamba wainhira to’o iha ezame nasional ho nune’e manorin na’in sira bele produs pontus sira no agora ami uza hela komputador 1 no printer 2 hodi fasilita servisu iha eskola ne’e rasik.
Total Manorin na’in hamutuk 14 no Seguransa na’in 1 no total estudante iha EBC Laclubar hatmutuk 297 kompostu husi Mane 159 no Feto 138 maka agora daduk la’o hela.
Reportagen Ekipa Rakol-Lian Idate, 2025
