Laclubar, 08-10/07/2025. Ekipa tékniku Sekretaria Estadu Komunikasaun Sociál SEKOMS, liu husi Diresaun Nasionál Dezemvolvimentu Média (DNDM) instala ona antenna Parabola no televizaun iha rádiu komunidade Laklubar.
Xefe Ekipa instalasaun Moises Soares, hateten instalasaun antenna parabola nu’udar parte ida importante husi SEKOMS hodi relay notisia RTTL ba komunidade tuir planu asaun annual ne’ebe relata garante direitu publiku asesu ba informasaun.
Iha Laclubar alem de halo instalasaun ba antenna parabola no monta ac ekipa distribui mos IC Record ba voluntariu sira hodi halao knar no Radiu monitor ba komunidade sira hodi asesu informasaun liu husi Radiu.
Instala ekipamentus ba rádiu komunidade Laklubar hanesan meius ida hodi fasilita no apoiu servisu ba rádiu komunidade laklubar hodi hato’o informasaun ba komunidade hotu bele acessu informasaun iha postu Laklubar.
Fasilidade hirak nebe ekipa SEKOMS liu husi DNDM kompleta mak hanesan, Komputador AIO unit rua, Parabola no televizaun ida, AC ½ pk ida, ups ida, Radiu Monitor 30, printer ida, Ic Record ida, Kadeira nen, Meja rua, no USB 16 GB rua.
Hakerek : Job
Editor : Ana
