𝐆𝐎𝐕𝐄𝐑𝐍𝐔 𝐓𝐈𝐌𝐎𝐑-𝐋𝐄𝐒𝐓𝐄 𝐇𝐀𝐓𝐎’𝐎 𝐀𝐆𝐑𝐀𝐃𝐄𝐒𝐈𝐌𝐄𝐍𝐓𝐔 𝐁Á 𝐆𝐎𝐕𝐄𝐑𝐍𝐔 𝐉𝐀𝐏𝐀𝐔𝐍 𝐈𝐇𝐀 𝐀𝐌𝐁𝐈𝐓𝐔 𝐄𝐍𝐊𝐎𝐍𝐓𝐑𝐔 𝐌𝐈𝐍𝐈𝐒𝐓𝐑𝐔 𝐓𝐑𝐀𝐍𝐒𝐏𝐎𝐑𝐓𝐄 𝐀𝐒𝐄𝐀𝐍 𝐍𝐎 𝐉𝐀𝐏𝐀𝐔𝐍 𝐁Á 𝐃𝐀𝐋𝐀 𝟐𝟑

Nay Pyi Taw, Myanmar 20 Novembru 2025. Governu Timor-Leste liuhosi Ministru Transportes no Komunikasaun, Eng.Miguel Marques Gonçalves Manetelu hato’o apresiasaun no agradesimentu bá apoiu iha nivél rejionál no bilaterál sira.

Timor-Leste espresa nia apresiasaun sinseru bá Myanmar briefing komprensivu kona-bá progresu inisiativa sira iha ámbitu Parseria T

ransporte ASEAN-Japaun (AJTP). “Ami hakarak hato’o ami nia apresiasaun klean bá Japaun nia apoiu kontínua iha nivel rejionál no bilaterál. Japaun sai hanesan parseiru ida ne’ebé kleur ona iha rejiaun ne’e no ami simu ho laran-haksolok progresu sira iha Parseria Transport ASEAN Japaun” dehan Ministru Manetelu iha nia intervensaun iha enkontru ministru transporte asean no japaun ba dala 23.

(ATM+JAPAUN) Timor-Leste mós hato’o agradesimentu klean bá Japaun nia apoiu kontínua iha nivel rejionál no bilaterál. Japaun nu’udar parseiru ida ne’ebé kleur ona no konfiável no Timor-Leste simu ho laran-haksolok kontinuasaun bá avansu kooperasaun nian iha Parseria Transporte ASEAN-Japaun.

Atu hametin sistema regulatóriu, seguransa no ambientál, Japaun nia asisténsia liuhusi kooperasaun téknika, programa formasaun, misaun asesoria peritu no kapasitasaun iha área sira hanesan dezenvolvimentu marítimu, seguransa rodoviária, kumprimentu aviasaun no transporte sustentável.

𝐌𝐞́𝐝𝐢𝐚 𝐌𝐓𝐊-SDI-Metro FM